اخوكم اللى طالع عينة حاصلة مغامرة جديدة مع اللى ميتسموش ( بنات ) بس المرادي الهانم غير محجبة عشان منظلمش المحجبات معانا اللى حكينا عنهم قبل كدة المهم اية اللى حصل ان اخوكم بياخد كورس كمبيوتر تابع لمايكروسوفت و باخدة ثلاث مرات بالاسبوع و عادة بيكون المحاضرة طويلة قد تصل الى خمس ساعات و فى استراحة حوالى نص ساعة و بعيد عنكم الكورس دة فى شباب كتير بتيجى تاخدة وجاهة قال يعنى عشان هياخد شهادة من مياكروسوفت اهو بيذاكر و يحفظ و يمتحن و يخدها بس تيجي تكلمة فى حاجة يدوبك تلاقية بيعرف يفك الخط و يعرف الفرق بين الكمبيوتر و الساعة اللى فى ايدة المهم سيبنا من الموال دة و خلينا فى موضوعنا من ضمن الشباب دوول بنت ربنا يحرصها و يخليلها العبط اللى فيها بتيجى تحضر الكورس معانا و ديما بتجيب معاها كلب بتسيبوا فى العربية بتاعتها ( ربنا يخليلها مامى و بابى جايبنلها عربية ) و بينى و بينكوا هى مبتجيش كير بتيجى بس لما تكون معدية من قدام مركز التدريب .. المهم اول امبارح دخلنا المحاضرة و هى للاسف جت و طبعا كالعادة سابت الكلب فى العربية و اخدنا المحاضرة و كانت محاضرة متعبة صراحة مش عشان الكلام اللى بيتقال صعب عشان الهانم عليها اسالة تدل على مدى العبقرية اللى فيها فالراجل اللى بيشرح بيضطر يرجع بينا اسبوعين تلاتة لورا عشان الهانم تفتكر ( على الطلاق لو كان الكلب قاعد و سابها هى فى العربية لكان نطق ) و كالعادة قولت يا واد طنش خالص و المحاضرة هاتعدى طلعنا بعد كدة فى الاستراحة اللى بنص المحاضرة و كل واحد راح ياخد كباية شاي و انا كاعادتى انا و واحد صاحبى بناخد الشاي و نطلع نشربة بالهواء الطلق و دايما بنشوف الهانم بتطلع تتطمن على الكلب فى العربية بس المرة دية طلعت الكلب من العربية وراحت تتمشى بية شوية و فضلت رايحة جاية رايحة جاية رايحة جاية ... و لو حبيتوا تعرفوا شكل الكلب مش هاعرف اوصفة كل اللى اقدر اقولة انة حرام نظلم الكلاب و نقول علية كلب لانة يدوبك مش محصل قطة حاجة مش باينة من الارض و طالعلها شعر ابيض و يدوبك شايف عنية و مع ذلك تحس انة عصبى و شايف نفسة قال يعنى مفيش غيرة هو الكلب الوحيد اللى على كوكبنا .... المهم البتاع دة و هيا معدية من قدامنا راح هابب فى صاحبى اللى جانبى و هابب فيا و راح ماسك بالبنطلون بتاعة ..الواد يعينى مبقاش عارف يعمل اية لانة لو هز رجلية فى اي اتجاة خلاص الكلب دة مات مانا قولتلكوا حاجة مش باينة من الارض المهم الهانم شدتة وراح سايب البنطلون بتاع الواد .. مش يمشي باة و يحترم نفسة لا دة راح ماسك قيا انا و هى عمالة تشد فية مش عايز يسيب قلتلها اتصرف انا قالتى هتعمل اية يعنى ( طبعا الكلام طالع بطريقة مسخرة ههههه) رحت متصرف.... رحت شايط الكلب و الله ياجدعان براحة خالص لاقتلك الكلب لازق فى العربية بتاعتها هههههههههههههههه انا وشى ضرب الوان قلت الكلب عليةالعوض بصيت لاقيتة مش عارف جة منين وراح ماسك البنطلون تانى هى اقعدت تصووت و قالتلى و رحمت جدى لو قربتلة لهتشوف هاعمل فيك اية كل دة و هو ماسك البنطلون قلتلها هاتعملى اية يعنى لو مش عاجبك اتصرفى انتى والا بشرفى اشلك البطارية منة و مخلهوش ينطق تانى ... قالتلي نت معندكش دم .... نعم ياختى معنديش دم رحت لازقة فى العربية تانى و الله ولا جرالة حاجة زي القرد راح راجع بس المرة دية هى شدتة قاعدت تقلب فية (يمكن ترس ولا مسمار راح هنا ولا هنا هههههههههههه) و راحت مدخلاة العربية ورجعتلى انا بقا ( طبعا ممسكتش فى البنطلون زى الكلب هههههههههه ) و قالتلى و رحمة جدى انا هوريك شغلك وراحة داخلة المركز و جايبالى المدير و جاتلى وحكيتلة و الناس واقفة فطسانة على روحها من الضحك و الكلب قاعد فى العربية عمال يصوصو عايز يخرج يتخانق شكلة المهم المدير قالها اتى اساسا ازاي تجيبى الكلب و تسبية فى العربية مش خايفة علية يتخنق و يموت جوا العربية قالتلة لا كل مرة بعمل كدة و عادى المهم جالى المدير وقالى معلش الوقوف برة ممنوع عشان متحصلش اي مشاكل قلتلة هو الكلب هيخلى الوقوف برة ممنوع انا عن نفسي مش داخل و الاستراحة انا بقضيها انا و الراجل دة برة .... المهم الراجل كلم الهانم وهداها و اقعدت تبرطم و تقوول انا مش هفوتها بالساهل انا هاوريك قولتلها لمى الدور بدل ماترجعي بعد المحاضرة تلاقى الكلب دة بعتهولك على البيت فى علبة هدايا ... هى سمعة الكلمة دية وراحت واخدة العربية وطيران
ههههههههههههههههه الاستراحة خلصت و دخلنا المحاضرة و بعد نص ساعة كدة جت الهانم و قعدت وكلها نظرات غل و غيظ منى طبعا مناا ضربت جوزها ييييييييييييييية سورى الكلب بتاعها و نظرتها بتقول انها نوايالى على نية سودة ههههههههههه
انا طبعا مش هتكلم على البنت ومنظرها انا كل اللى هاقولة انها منهم بنت استايل يعنى فى الكلام و اللبس خصوصا اللبس لانها من كتر الاستايل اللى هية فية نص المحاضرة مش بيركز مع الراحل اللى تاعب نفسة و عمال يرغى
انا حبيت بس اوريكوا فئة جديدة للاسف تعاملت معاها فئة بتعز الكلاب اكتر من اي حاجة تانية و على فكرة دة واقع للاسف و كتير
يلا باة نعمل اية ربنا يستر علينا و عليكوا الناس مبقيتش فاضيةتربى عيالها بقت بتربى كلاب
موضوع: قال كلب قال ..... مين اللى ضحك عليها و قالها ان البتاع دة كلب 
الإثنين يناير 11, 2010 7:14 am