صــــــــغار على الحـــــزنــ ياقــلبي
@@@@@@@@@@@
تدري وش اللي يجرح القلب جرحين
ويمـد حبـل الحـزن فيـك ويـشـدهـ
انك تناظر طفـل مـن غيـر ابويـن
يمشـي ودمعـه سايـل فـوق خـدهـ
منظر صعيب ويقسم القلـب قسميـن
لا قـامـ يمسـح دمعـة بكـف يــدهـ
يمش ولا يدري طريقـه علـى ويـن
لين التعب مـن كثـر مـا تـاهـ هـدهـ
اثقل حـروف يشيلهـا فيـه حرفيـن
لا أب يـدريـبـه ولا أم تــــردهـ
في خطوته رحلـه ودمعـه وسكيـن
وحـظ توسـد بالمـراسـي مـخـدهـ
جيت اسألـه بالله قلـي ولـد مــين
وبغى يجـاوب وختنـق صـوت ردهـ
أنـا يتيـمـ ومـا لدربـي عنـاويـن
وجزر الحـزن فينـي يسـاوي لمـدهـ
وطعم الطفوله ما عرفته لهـا لحيـن
وثوب السعـادهـ صـرت مانيـب قـدهـ
ابكي إلى من شفت غيـري سعيديـن
ليـن البكـا فينـي يـوصـل لـحـدهـ
واقفي ورحت امسح دموعي من العين
وعينـي تناظـر دمعتـه فـوق خـدهـ
وهذا اللي يجـرح القلـب جرحيـن
ويمد حبـل الحـزن غصـب ويشـدهـ__________________
بدون توقيع حاليا"
منقول
موضوع: تدري وش اللي يجرح القلب جرحين 
الثلاثاء ديسمبر 29, 2009 10:22 am