تعرف انك عالغلط لكن تكابر

انت تدري اني شفاف المشاعر ** محتمل جرح الكرامه والشعور
احسب لاحساس غيري الف خاطر ** ما اندفع واتهور فبعض الامور
دايماٍ ما بنجرف خلف المظاهر ** واثـق بنفسي وذا ماهو غرور
وانت مع كل الأسف لك طبع اخر ** غايتك حب التباهي والظهور
مغرم بنفسك إلى حد التــــفاخر ** ما تحس بكل ما حولك يدور
تعرف انك عالغلط لكن تكابر ** كل ما جيت انصحك فيني تـثور
ما تحس ولا تعي حجم المخاطر ** اللي منك شفتها وانته تجور
ورغم ظلمك والجفا مازلت صابر ** انتظر تالي النفق نبراس نور
التمس شمعة امل او طيف عابر ** في سماك يعيد لي بعض السرور
اقهر بلحظة تفائل حظ عاثر ** وانتــزع نحسه من اعماق الجذور
وانهي دمع الحزن في مرسى المحاجر ** واطوي مشوار التعب بين السطور
بعد غيبه عاود الطير المهاجر ** بعد ما طال انتظاره في الحظور