وااا حشتـنـي ..!!!

بعد غيااااب .. أرجو قبولها ..

*

(( وااحشــتــنـي ))
*

يعني شفتي كيف قلبي ماإهتنابك
شـفـتي حـظــي ؟ دايما ًحظي فـقــيـر

لـيه غـبتـي .؟. لـيه طولتي غـيابك
مـن غـــيــابـك صــج ماعــيـنـت خــيــر

واحـشـتني حـيل ياترفة شــبابـك
واحــشــتــنــي يـابعـد عـمري كــثـــيــر

أنـتـي ياأغلا غـلا حظي رمى بك
فـي طـريـقي وأصـبحـت دنيـاي غـــيــر

صـدقــيــني مـاتـماديـت بعـتابـك
لــيــن شـفــت الوضـع بعـيوني خـطـيــر

خفت أخسْـرك يوم لي مولاي جابك
يــوم قــلــبي صـار بـيـديـنــك اســيــر

أنتي تدرين أعشـقه حتى ترابك
لازم تـحـسـيـن فــيــني يــوم أغـــيــر

إرحـميني ياعــذابي من عـذابـك
لــيـــه بـــدلــتـي دفــاك بــزمـهـريـر

إحسبيها صح راضي في حـسابك
بــس أمــانـه إحـسـبي بـس بـضـمــيـر

قـلـبي اللي ينـتـظر مات وحيابك
يـســألك عـــن حـق تـقـرير المصــيـــر

لا تـرديـنه تــرى هـو عـند بابـك
أســإلـك بـالله لا يــــرجـــع كـــســيــر

عـاد تدرين إني خايف مــن جوابك
خـابره حــظـي وأنـــا أدري بــه ضــريـــر

تـذكرين وقـلـتها لحضـرة جنابك
الـفـــقــيـّـر دايــم ٍ حــظـه فــقـــيـــر